“Os cruceiros veñen de moi fondo e teñen as raíces moi debaixo da tona de terra podre que cría cousas bonitas que duran pouco.”
(Castelao, discurso lido en 1934 no acto de ingreso na Real Academia Galega).
Os cruceiros teñen moita presenza no territorio vilagarcián, coa inestimable cantidade de máis de 54 documentados. Algúns deles son moi antigos, remontándose aos primeiros anos do século XVII.