Durante os meses de xuño e xullo de 2019 A Citania Arqueoloxía executou os traballos de encintado de paramentos da Fortaleza de Rande, en Redondela.
Durante os traballos, realizados sobre máis de 900 m² de paramento, limpáronse as xuntas dos muros; procedeuse ao recheo de ripio e pedra pequena de intersticios; encintáronse os paramentos mediante morteiro de cal hidráulica e rematou co regado e a limpeza das paredes.